Computer Ki Jankari – संगणक कैसे चलाए
Aajkal ka jamana computer ka jamana kehlaya jata hai. Computer Ki Jankari jisko hai usi ko mana jata he. Computer ka mahetwa aaj kal bohot badh gaya hai. Abhi har kisiko Computer ki basic cheeje aani chahiye. Har kshetra (field) me abhi Computer ka upayog badh gaya hai. Jise Sanaganak Kaise Chalaye nahi pata wo nirakshar kehalaya jata he. To fir chalo, jante hai kucch chije computer ke bare me. Padhenge basic computer kya hota hai aur use kaise istemaal karte hai. To chaliye jane Computer Ki Jankari and Sanaganak Kaise Chalaye In hindi.
Dosto aaj ke adhunik yug me aapko yadi computer ki jayda jankari nahi hai to kam se kam aapko computer ki basic jankari hona bahut jaruri hai kyonki aaj ke yug me hum jaha kahi bhi jaate hai, kisi bhi field me to aapko computer ki jarurat padti hai. Present time me hum mano computer se ghire huye hai or lag bhag hamare saare kaam computer se ho rahe hai. Aur aaj kal hamare kaam computer par din par din badhte ja rahe hai or computer digital device hota ja raha hai.
Computer ek yantra he. English me use device kehte he, Electronic device. Jisko Hame kuch data dena padta he. Matlab shuruwat me computer sirf ek blank device rehta he, hume usme jankari store karni padti hai. Uske bad wo chalu karne ke bad hamare diye gaye nirdeshoke (instructions) ke anusar wo hame store kiya hua data jise hum information kehte he. Wo hume batata he.
Computer Me Programs hote he. Jo ye data ko information me badalta he aur hame bhejta hai. Jin nirdesho ke anusar ye Computer kam karta hai use Program kehte hai. Hindi me computer ko Sanagank bhi kaha jata he. English me kayi log use PC bhi kehte he. PC matlab Personal Computer, yani Vyaktigat Computer. Personal Computer ek banda hi use kar sakata hai. Aapne Shared Computer bhi suna hoga. Is prakar me ek hi Computer par ek se jada log kam kar skate he.
Computer kaise complete hota hai
Jaisa ki hum sab jaante hai ki computer ek electronic device hai lekin aaj kal ke computers ke use or kaam dekhkar hum ise digital device bhi kah sakte hai. Hamara computer do chijo se milkar banta hai hardware or software. Hardware computer ki wo cheej hai jise hum dekh sakte hai, chhu sakte hai or mehsoos kar sakte hai jaise ki computer ki input devices or output devices. Software computer system ki wo cheej hai jise na hum dekh sakte hi or na chhu sakte hai or na hi mehsoos kar sakte hai. Software apke computer system ke CPU me daale jaane wala ek programming or operating system hota hai.
Software aapke computer system ko operate karta hai, programming karta hai or aapke dwara diye gaye order ko process karne ki permission deta hai. Software ke bina aapka hardware matlab ki aapka computer system ek khali dabba hai. Hardware or software ek dusre ke purak hai mano ki hardware computer ki body hai to software computer system ki aatma hai.
Jab hum apna naya computer system laate hai to wo ek khaali khoke ki tarah rahta hai aap jab tak isme software nahi dalenge tab tak aap iska puri tarah se use nahi kar payenge. Software or drivers ko data bhi kah sakte hai. Jaise ki computer system ko operate or programming karne ke liye operating system windows xp, windows 7, windows 8, windows 10 koi ek operating system daalna padta hai. Saath hi audio, videos etc ko chalane ke liye unke drivers daalne padte hai. Aapke computer me uske dale huye windows ke hisaab se hi options or functions hote hai or ye Binary digit 0 or 1 ke adhaar par kaam karta hai.
Computer (Sanaganak) kaise chalaye
Dosto pahle aap isme computer ki sanrachna or uski process and uske kaam karne ki pranaali jaan chuke hai. Ab jaante hai ki computer – sanaganak kaise chalaye. Jaisa ki me aapko pahle hi bata chuka hu ki kisi computer ko chalane ke pahle aapko computer ka basic knowledge hona chahiye. Kyonki computer ko chalane ke pahle aapko uski input, output devices or unke parts ki thodi bahut jankari hona bahut jaruri hai, tabhi aap apne computer ko sahi tarike se input devices ke through order de paayenge or aapka computer system us par process karke aapko output devices ke through result de paayega.
Data Kya He
Aapne data shabd bohot bar suna hoga, Computer ke kshetra me ye vibhinna prakar me prayukt hota he. Jis par prakriya karne se arthpurn suchna prapt hoti he. Data ko raw data bhi kaha jata he. Jiska matlab he jispar koi prakriya nahi ki gayi ho. Data alag alag rup me hamare computer par rehta he. Jaise ki Images, Photos, Videos, Gaane, File, Documents. Raw Data par Prakriya karne ke bad usko Information me badla jata he.
http://kaisekare.in/wp-content/uploads/2015/07/computer-ki-jankari-1-768x329.jpg
